Sunday, December 31, 2006

புத்தாண்டு வாழ்த்துக்கள்!

புத்தாண்டு வாழ்த்துக்கள்!
------------------------------------

பழையன கழிதலும் புதியன புகுதலும்
எண்ணிப் பார்க்க இன்னொரு வாய்ப்பு!
சொல்லில் பார்த்தது போதும்
செயலிலும் பார்க்க முயலலாமே!

அல்லும்பகலும் தெருக்கல்லாய்
நாம் இருந்தது நேற்றோடு போகட்டும்!
இன்றிலிருந்து விழிக்க முயலுவோம்!
இமைக்க மறுக்கிறோமா நாம்
விழிக்க மறுப்பது சரியா?

மெத்தப் படித்திருக்கிறோம்
அனைத்தையும் அறிந்திருக்கிறோமென்றே
எத்தனை நாட்கள்தாம்
ஏமாந்து கொண்டும் நம்மையே
ஏமாற்றிக் கொண்டும் இருப்பது?

ஏற்றத்தாழ்வுகள் அழிக்க முடியுமா?
துன்பங்கள் போக்க முடியுமா?
உலகை மாற்ற முடியுமா?
கேள்விகளின் இயலாமைகளை
இன்றிலிருந்து புறந்தள்ளுவோம்!
அவற்றின் நியாயங்களை அல்ல!

எண்ணத்தின் பாதையில்
நம்மைப் போல்
அடுத்தவரையும் நடத்திடுவோம்
சரிநிகர் சமானமாய்
எண்ணிப் பார்க்க முயன்றிடுவோம்!

நம்மை நம் சிந்தனையை
மாற்றிப் பார்ப்போம்
உலகம் மாறாமலா போய்விடும்!!
நம் எண்ணத்தினூடாய்

நல்லுலகாய் மாற்றத் துவங்குவோம்!

புத்தாண்டு வாழ்த்துக்கள்.

அன்புடன்,
நம்பி.பா.



6 comments:

Anonymous said...

Happy New Year!!!

ஆதிபகவன் said...

உங்களுக்கு எனது இனிய புத்தாண்டு நல் வாழ்த்துக்கள்.

நம்பி.பா. said...

Anonymouns,
உங்கள் வருகைக்கும்,வாழ்த்துக்கும் நன்றி!

நம்பி.பா. said...

ஆதிபகவன்,
உங்கள் வருகைக்கும்,வாழ்த்துக்கும் நன்றி!

Johan-Paris said...

தங்களுக்கும் தங்கள் உற்றார்; உறவினருக்கும்,எங்கள் இனிய புத்தாண்டு வாழ்த்துக்கள்!
அமைதி நிலவட்டும்.
அன்புடன்
யோகன் பாரிஸ்

நம்பி.பா. said...

யோகன் பாரிஸ்,
உங்கள் வருகைக்கும் வாழ்த்துக்கும் நன்றி!
அமைதியின்பால் நம் பயணத்தை உரக்கத் தொடர்வோம்!
அன்புடன்,
நம்பி.பா.